Ólafur Jóhannesson, þjálfari Vals, var ekki nógu ánægður með spilamennsku sinna manna í kvöld eftir 3-3 jafntefli við Víking Reykjavík.

Valsmenn lentu þrisvar undir í leik kvöldsins en tókst að jafna í öll skiptin. Ólafur gat þó hrósað endurkomu liðsins.

,,Það er ágætt í sjálfu sér. Ég fagna því. Mér fannst við ekki nógu góðir í dag, við vorum undir á flestum stöðum,“ sagði Ólafur.

,,Við vorum undir í öllu, hugarfar manna var greinilega ekki rétt og menn komu ekki rétt stemmdir inn í þetta.“

,,Svona byrja mótin oft. Við göngum ekki frá neinum, það er ekki svoleiðis í fótbolta við verðum bara að halda haus í þessu.“

,,Við erum með stóran hóp og það eru bara 11 inná í einu og svo sjö varamenn, þetta vel ég bara.“

,,Þarf að halda öllum glöðum? Þarf þess? Ég hef aldrei talað um það, þið talið alltaf um það, ég veit ekkert hvað þið eruð að tala um.“