Gylfi Þór Sigurðsson, leikmaður Everton, býst við að ræða við leikmann liðsins, Kurt Zouma, á næstu vikum.
Zouma hefur verið frábær fyrir Everton undanfarna mánuði en hann er aðeins í láni hjá félaginu frá Chelsea.
Frakkinn gæti snúið aftur til Chelsea í sumar en Gylfi vonar innilega að hann verði áfram og semji endanlega við félagið.
,,Auðvitað viljum við halda honum, við viljum halda öllum góðum leikmönnum sem við eigum,“ sagði Gylfi.
,,Hann hefur verið frábær síðan hann kom inn og vonandi þá vill hann spila hér áfram.“
,,Ég er viss um að félagið muni pressa á hann að vera um kyrrt og við leikmennirnir munum gera það líka.“
