Leikmenn Manchester City heimta stemningu þann 18. maí næstkomandi er liðið spilar við Watford.

Um er að ræða leik í úrslitum enska bikarsins en að venju þá fer úrslitaleikurinn fram á Wembley.

Leikmenn hafa nú tekið höndum saman og ætla að borga flug fyri stuðningsmenn frá Manchester til London.

Það er að hluta til gert til að þakka þeim fyrir stuðninginn á tímabilinu og einnig óttast sumir að stemningin verði ekki nógu góð.

Það getur verð rándýrt fyrir stuðningsmenn að ferðast á Englandi og kosta miðar á leiki einnig háa upphæð.

Stemningin var til að mynda frábær á miðvikudag er City fékk Tottenham í heimsókn í Meistaradeild Evrópu.