Nokkrir stuðningsmenn Tottenham hafa verið settir í tímabundið bann á nýja heimavelli liðsins.

Þetta staðfesti félagið í gær en nýr völlur Tottenham opnaði nýlega og spilar félagið nú heimaleiki sína þar.

Hópur stuðningsmanna hundsaði fyrirmæli frá öryggisvörðum í leik gegn Manchester City í vikunni.

Þeim var tjáð að hætta að standa og horfa á leikinn allan tímann og voru vinsamlegast beðnir um að fá sér sæti svo aðrir gætu séð.

Það voru einhverjir sem nenntu ekki að hlusta á þessi fyrirmæli og hefur félagið nú refsað þeim fyrir hegðunina.

Tottenham greindi frá því að það væri þeim seku að kenna og að þeir hefðu verið varaðir við margoft áður en þeim var refsað.