KA og Guðjón Pétur Lýðsson hafa komist að samkomulagi um starfslok Guðjóns hjá KA.

Vegna fjölskylduaðstæðna hjá Guðjóni þá hafa félagið og Guðjón komist að þeirri niðurstöðu að Guðjóni er heimilt að fara frá liðinu.

Fyrri frétt um málið:
Guðjón Pétur Lýðsson er á förum frá KA. Fótbolti.net segir frá. 433.is hafði rætt við Guðjón og forráðamenn KA í gær.

Þar var sagt að málin væru til umræðu og niðurstaða myndi liggja fyrir í dag. Sú niðurstaða virðist vera klár.

Guðjón gekk í raðir KA í vetur en eitthvað hefur komið upp sem veldur því að Guðjón yfirgefur nú KA.

Guðjón kom frá Val í vetur og átti að spila stórt hlutverk í liði KA.

433.is ræddi við forráðamenn KA í gær, þar var tjáð að KA myndi ekki standa í vegi fyrir þvi að Guðjón færi, væri það hans vilji.