Það fóru fram tveir stórleikir í Meistaradeild Evrópu í kvöld en 8-liða úrslit keppninnar fóru af stað.
Báðir leikir kvöldsins voru spilaðir á Englandi þar sem Tottenham og Liverpool unnu góða sigra.
Tottenham fékk Manchester City í heimsókn á nýjan heimavöll sinn og hafði betur með einu marki gegn engu.
Það var sóknarmaðurinn Heung-Min Son sem skoraði eina mark leiksins þegar um 12 mínútur voru eftir.
City fékk gullið tækifæri til að komast yfir í fyrri hálfleik en Sergio Aguero klikkaði þá á vítaspyrnu sem Hugo Lloris varði.
Liverpool vann þá portúgalska stórliðið Porto en þeir rauðklæddu fögnuðu að lokum 2-0 sigri.
Þeir Naby Keita og Roberto Firmino skoruðu mörkin en þau komu bæði í fyrri hálfleik.
Tottenham 1-0 Manchester City
1-0 Heung-Min Son(78′)
Liverpool 2-0 Porto
1-0 Naby Keita(5′)
2-0 Roberto Firmino(26′)