Það ættu einhverjir knattspyrnuaðdáendur að muna eftir miðjumanninum Jhon Viafara.
Viafara lék á Englandi í dágóðan tíma en hann spilaði bæði með Portsmouth og Southampton.
Viafar lék með Portsmouth frá 2005 til 2006 og Southampton frá 2006 til 2008. Hann stoppaði stutt hjá Real Sociedad í millitíðinni.
Hann er einni fyrrum landsliðsmaður Kólumbíu og spilaði 34 leiki áður en skórnir fóru á hilluna árið 2010.
Viafara er nú heldur betur kominn í vesen en hann var fundinn sekur um að hafa smyglað fjórum tonnum af kókaíni til Bandaríkjanna.
Viafara er fertugur í dag en hann hætti knattspyrnuiðkun árið 2015 eftir dvöl hjá Rionegro Aguilas í heimalandinu.
Hann hefur verið hluti af eiturlyfjagenginu Clan de Golfo undanfarin ár en það er eitt stærsta eiturlyfjagengi Kólumbíu.