Ísland mætir Kanada í dag í fyrsta leik liðsins á Algarve Cup 2019 og hefur Jón Þór Hauksson, þjálfari liðsins, tilkynnt byrjunarliðið.

Leikurinn hefst klukkan 13:15, en hægt verður að fylgjast með gangi leiksins á miðlum KSÍ.

Þórdís Hrönn Sigfúsdóttir og Margrét Lára Viðarsdóttir geta ekki verið með í dag vegna veikinda.

Kanada er eitt allra sterkasta lið heims og sitja þær í 5. sæti heimslistans og er mótið liður í undirbúningi þeirra fyrir HM í Frakklandi í sumar.

Þetta er aðeins í annað sinn sem liðin mætast. Kanada vann einu viðureign liðanna 1-0, en sá leikur fór fram á Algarve Cup 2016. Þess má geta að 13 af þeim leikmönnum sem voru í hóp þá eru í hópnum í dag.