Atletico Madrid vann frábæran sigur í Meistaradeild Evrópu í fyrrakvöld er liðið mætti stórliði Juventus.
Um var að ræða fyrri leik liðanna í 16-liða úrslitum en Atletico hafði betur 2-0 á heimavelli.
Þeir Jose Gimenez og Diego Godin, miðverðir Atletico, sáu um að skora bæði mörk liðsins í seinni hálfleik.
Það vakti mikla athygli hvernig Diego Simeone, þjálfari Atletico Madrid fagnaði fyrra markinu. Hann snéri sér að stúkunni og greip um lim sinn.
Við þetta fagn voru stuðningsmenn Juventus ósáttir, margir það reiðir að þeir hafa verið að senda Simeone morðhótanir. Samkvæmt miðlum á Spáni.
Simeone og Atletico hafa borist nokkrar hótanir þar sem því er hótað að myrða bæði hann og nýfætt barnið hans. Allar slíkar hótanir eru teknar alvarlega.
