Lið Wolves er komið áfram í næstu umferð enska bikarsins eftir leik við Bristol City í dag.

Aðeins eitt mark var skorað á Ashton Gate í Bristol en það gerði Ivan Cavaleiro fyrir gestina í Wolves.

Crystal Palace vann síðar í dag þægilegan sigur er liðið heimsótti Doncaster. Jeff Schlupp og Max Meyer gerðu mörk Palace í 2-0 sigri.

Kolbeinn Finnsson og félagar í Brentford eru þá úr leik eftir leik við Swansea á sama tíma.

Kolbeinn var á varamannabekk Brentford í leiknum en kom ekkert við sögu í slæmu 4-1 tapi.

Brentford komst yfir í fyrri hálfleik og var með 1-0 forystu en Swansea gerði fjögur í seinni og fór örugglega áfram.