Það ríkir mikil sorg í fótboltanum þessa stundina eftir andlát framherjans Emiliano Sala.
Það fékk staðfest á dögunum að Sala hafi látið lífið eftir hræðilegt flugslys er hann var á leið frá Nantes til Cardiff.
Sala var nýbúinn að skrifa undir samning við Cardiff en hann kostaði félagið 15 milljónir punda.
Aron Einar Gunnarsson, landsliðsfyrirliði og leikmaður Cardiff, hefur tjáð sig um stöðuna hjá félaginu þessa stundina.
,,Þetta hefur verið gríðarlega erfitt en strákarnri standa saman ásamt öllum hjá félaginu,“ sagði Aron.
,,Það mikilvægasta er að þeirra fjölskylda fær að syrgja. Vonandi finnst flugmaðurinn og hans fjölskylda fær að gera það sama.“
Sala var um borð í vélinni ásamt flugmanninum David Ibbotson en hans lík hefur enn ekki fundist.
