Gonzalo Higuain er á leið til Chelsea en hann mun skrifa undir lánssamning við félagið út tímabilið.
Higuain hefur undanfarið leikið með AC Milan á láni en þar hafa hlutirnir ekki alveg gengið upp. Hann er þar í láni frá Juventus.
Paul Merson, fyrrum leikmaður Arsenal, er ekki viss um að Argentínumaðurinn sé rétti maðurinn fyrir Chelsea.
,,Ég er ekki viss með hann.. Hann var frábær leikmaður en lítur ekki út fyrir að vera upp á sitt besta,“ sagði Merson.
,,Hann hefur ekki gert mikið í dágóðan tíma núna og nú er hann á leið í erfiðustu deild í heimi.“
,,Hann fær engan tíma til að aðlagast heldur, hann þarf að komast strax í gang hjá Chelsea þar sem þeir þurfa á aðalmanni að halda í fremstu víglínu.“
