Kristófer Sigurgeirsson hefur verið ráðinn í þjálfarateymi Vals í Pepsi-deild karla. Þetta var staðfest í dag.
Kristófer er reyndur þjálfari en hann þjálfaði síðast Leikni Reykjavík í Inkasso-deildinni.
Hann er sjálfur fyrrum atvinnumaður en lék lengi með Breiðablik hér heima við góðan orðstír.
Valsmenn hafa unnið Íslandsmeistaratitilinn tvö ár í röð og ætla sér að afreka það sama næsta sumar.
Liðið hefur fengið fjölmarga góða leikmenn til sín síðustu daga og eru markmiðin há fyrir komandi átök.
