Alex Iwobi, leikmaður Arsenal á Englandi, hefur skrifað undir nýjan samning við félagið.
Þetta var staðfest í dag en Iwobi hefur verið á mála hjá Arsenal síðan hann var aðeins níu ára gamall.
Undanfarin ár hefur sóknarmaðurinn átt sæti í aðalliðshóp Arsenal og hefur spilað 98 leiki og gert níu mörk.
Iwobi er 22 ára gamall í dag og skrifaði hann undir samning til ársins 2023 og er því samningsbundinn næstu fimm árin.
Iwobi var orðaður við brottför í sumar en nýr stjóri Arsenal, Unai Emery, hefur mikla trú á stráknum.
