Thibaut Courtois, markvörður Belgíu, skaut á franska landsliðið á dögunum eftir viðureign liðanna í undanúrslitum HM.

Courtois sagði að Frakkar væru ekki mikið fyrir það að spila fótbolta og að þeir hafi frekar viljað tefja leikinn í stöðunni 1-0.

Griezmann botnar ekkert í þessum ummælum Courtois og segir að leikstíll Chelsea sé ekki sá sami og hjá Barcelona en Courtois er einnig aðalmarkvörður enska liðsins.

,,Heldur Thibaut Courtois að hann sé að spila fótbolta eins og Barcelona hjá Chelsea?“ sagði Griezmann.

,,Mér er alveg sama hvernig við spilum, ég vil fá aðra stjörnu á búninginn. Það er það eina.“