Ljóst er að hinn ástsæli lýsandi, Guðmundur Benediktsson, Gummi Ben, muni ekki lýsa úrslitaleik HM á sunnudaginn. Í stað hans mun Haukur Harðarson lýsa leiknum ásamt Bjarna Guðjónssyni.
Fréttablaðið greindi frá þessu í morgun. Almenn óánægja virðist vera með þetta fyrirkomulag, að Gummi Ben lýsi ekki leiknum. Brennslan á FM hóf skoðanakönnun í morgun á Twitter og niðurstaða hennar er afgerandi nú eftir hádegi. Ríflega fimmhundruð manns hafa kosið og 90 prósent þeirra vilja að Gummi Ben lýsi úrslitaleiknum.
Ef þú fengir að ráða á Ríkissjónvarpinu. Hver myndi þá lýsa úrslitaleiknum á HM?
— Brennslan (@BrennslanFM) July 10, 2018
Á Facebook-síðu Fréttablaðsins, sem greindi fyrst frá, má sjá talsverða óánægju með þetta. „Æ Æ! Af hverju ekki Gummi? Þarf maður þá að horfa á norska sjónvarpið,“ skrifar einn maður. Annar skrifar: „Mætti ég biðja um GB!“.
Blaðamaður Fréttablaðsins, Sigurður Mikael Jónsson, tekur sennilega harðast til orða á Twitter-síðu sinni: „Farðu heim RÚV, þú ert orðið ósjálfbjarga af ölvun. Veist ekkert í þinn haus. Gleymdu þessu! Hvar er undirskriftasöfnunin?“
Farðu heim RÚV, þú er orðið ósjálfbjarga af ölvun. Veist ekkert í þinn haus. Gleymdu þessu!
Hvar er undirskriftasöfnunin? https://t.co/cguYsFxlDf— S. Mikael Jónsson (@S_Mikael_J) July 10, 2018
Þorsteinn Gunnarsson, sveitarstjóri Skútustaðahrepps og fyrrum íþróttafréttamaður hefur einnig tjáð sig um málið á Twitter. „Af hverju er Gummi Ben ekki að lýsa Stóra leiknum?,“skrifar Þorsteinn í færslu sem hann birtir í dag og sjá má hér að neðan.
Stóru spurningarnar gott fólk. 1) Af hverju Pepsi kvk ofan í undanúrslit HM kk? 2) Af hverju er @GummiBen ekki að lýsa Stóra leiknum?
— Thorsteinn Gunnars (@thorsteinngu) July 10, 2018
