Guðjón Þórðarson fyrrum landsliðsþjálfari Íslands segir að ekki neinn íslenskur þjálfari sé klár í að taka við landsliðinu. Þetta kemur fram í hlaðvarpsþætti Hjörvars Hafliðasonar.
Möguleiki er á að Heimir Hallgrímsson hætti sem landsliðsþjálfari, hann skoðar nú stöðuna og þau tilboð sem gætu komið til hans erlendis frá.
,,Þessi ákvörðun er mjög erfið, ég myndi fara í þá ráðningu að vinna á þeim forsendum sem Lagerback lagði og Heimir hefur fylgt,“ sagði Guðjón í þætti Hjörvars.
,,Ég myndi ráða inn sem kemur inn í ákveðið umhverfi og staðlað kerfi sem á að vinna eftir, finna rétta manninn í það. Kannski góðan mann frá Skandinavíu, það myndi henta íslenska liðinu vel, í þeim anda sem búið er að vinna í. Ekki taka inn Suður-Evrópu mann inn, finna út mann sem spilar á styrkleika okkar.“
,,Ef það verða breytingar í brúnni hjá okkar þá eigum við að halda í það sama, margir hæfir eru í boði. Ég sé ekki Íslending taka við, ég held að þeir sem eru í deildinni hérna heima eru ekki klárir í þetta verkefni. Ég sé það ekki í dag.“
Vitalið er í heild hér að neðan.