Strákarnir okkar í landsliðinu fá að hitta eiginkonur og kærustur í Volgograd í dag og voru þeir Heimir Hallgrímsson landsliðsþjálfari og Aron Einar Gunnarsson fyrirliði spurðir út í það hvort kynlífsbann væri í gildi fyrir leikinn gegn Nígeríu.

Það var Kolbeinn Tumi Daðason frá Vísi og Stöð 2 sem spurði út í þetta og sagði hann að þessar upplýsingar væru í boði hjá bæði Svíum og Þjóðverjum. ,,Alla vegana eins og er,“ sagði Aron Einar Gunnarsson um málið.

„Allavega á meðan konurnar eru ekki komnar,“ sagði Heimir Hallgrímsson um málið sem bætti þó við að ekkert slíkt bann væri í gildi hjá leikmönnum.

Aron Einar virtist nokkuð hneykslaður á spurningunni. „Ætlarðu að nota þetta í fréttum? Gott.“