Shay Given fyrrum markvörður segir að í sínu huga sé Kevin de Bruyne besti leikmaður ensku úrvalsdeildarinnar.
Flestir telja að hann eða Mohamed Salah fái verðlaunin en Given myndi velja De Bruyne.
,,Það er ekki hægt að segja nógu mikið um hversu góður De Bruyne hefur verið,“ sagði Given.
,,Hann er liðsmaður, hvað hann gerir fyrir City liðið er hreint magnað.“
,,Hann leggur mikið upp og skorar líka, hann sér hluti sem aðrir leikmenn sjá ekki.“
,,Hann er leikmaður ársins í mínum huga, stuðningsmenn Liverpool segja að þetta eigi að vera Salah. De Bruyne mun vinna deildina, það gefur honum aukið vægi.“
