Jóhann Berg Guðmundsson er ekki í leikmannahópi Burnley í dag er liðið heimsækir WBA.
Jóhann meiddist á kálfa í gær á æfingu Burnley og getur ekki spilað í dag.
Kantmaðurinn meiddist lítilega með íslenska landsliðinu á þriðjudag gegn Perú.
Meiðslin á kálfa tóku sig upp á æfingu en meiðslin ættu þó ekki að halda Jóhanni lengi frá vellinum.
Jóhann hefur átt fast sæti í byrjunarliði Burnley síðustu mánuði og verið einn besti leikmaður liðsins.
