Liverpool tekur á móti West Ham í ensku úrvalsdeildinni í dag klukkan 15:00

Heimamenn verða að fá eitthvað útúr leiknum en liðið er í þriðja sæti deildarinnar með 54 stig, tveimur stigum á eftir Manchester United sem í öðru sæti deildarinnar á meðan West Ham er í tólfta sætinu.

Reikna má fastlega með því að West Ham muni verjast mjög aftarlega í leiknum sem þýðir að Liverpool þarf að reyna brjóta þá á bak aftur og það hefur ekki alltaf gengið vel hjá liðinu á þessari leiktíð.

„Það er langt síðan að við spiluðum leik. Við unnum magnaðan 5-0 sigur á Porto en núna er það búið og við þurfum að horfa fram á við,“ sagði Klopp.

„Ég er búinn að undirbúa leikmenn mína mjög vel fyrir þennan leik, við þurfum að sýna skipulag og þolinmæði en engu að síður þurfum við að vera duglegir og berjast eins og ljón.“

„Þetta verður erfiður leikur, ég veit það en ég hef trú á mínum leikmönnum og vonandi get ég leyft sjálfum mér að brosa í leikslok,“ sagði hann að lokum.