,,Mourinho vissi að þetta gæti gerst, það þarf að ná stjórn aá félaginu,“ sagði Gary Neville, sérfræðingur Sky Sports og fyrrum fyrirliði Manchester United um tíðindi dagsins.
Manchester United er búið að reka Jose Mourinho úr starfi eftir mjög slakt gengi á þessari leiktíð.
Stjórn United fékk nóg eftir tap gegn Liverpool á sunnudag, leikmenn United virkuðu áhugalausir undir stjórn Mourinho.
,,Leikmenn verða að taka ábyrgð, stjórnin, þjálfarar og leikmenn. Félagið hefur fjárfest illa í sjö ár.“
,,Ég get ekki séð neinn hjá félaginu sem er hæfur í að taka ákvarðanir, leikmannakauin hafa verið hræðileg. Það þarf að taka rétta ákvörðun, þetta snýst ekki um að flýta sér. Félagið þarf að tryggja ða næsta ráðning verði sú rétta.“
United mun ráða stjóra út tímabilið og staðan verður svo skoðuð næsta sumar. Neville leggur til að það verði Mauricio Pochettino.
,,Það á að vera Pochettino, þegar ég skoða gildi Manchester United og hann, ég var í þrjá daga með honum á æfingasvæði Tottenham. Hann kemur með réttan leikstíl, unga leikmenn og vinnur leiki. Hann er sá sem félagið á að reyna að fá.“
