Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.
Rætt verður um fótbolta við áhugaverða gesti í vetur, farið verður um víðan völl.
Næsti gestur þáttarins er Theodór Elmar Bjarnason, landsliðsmaður í knattspyrnu.
Eins og kom fram á laugardaginn þá missti Elmar bróður sinn árið 2009 en hann tók sitt eigið líf.
Elmar segir að hann og bróðir sinn hafi verið mjög nánir á yngri árum en sambandið var ekki eins gott eftir að Elmar hélt út í atvinnumennsku.
Áfallið var mikið fyrir Elmar og hans fjölskyldu en sem betur fer er landsliðsmaðurinn á góðum stað í dag.
Elmar var nýbyrjaður í sambandi með Pöttru Sriyanonge þegar hann fékk fréttirnar og eru þau gift í dag.
Elmar segir að eiginkona sín hafi hjálpað sér mikið á þessum erfiða tíma og er henni ævinlega þakklátur.
Hún hefur einnig stutt við bakið á honum á löngum atvinnumannaferli en miðjumaðurinn hefur komið víða við.
,,Við höfðum verið saman í einhverja sex mánuði. Hún togaði mig heldur betur niður á jörðina,“ sagði Elmar.
,,Hún er bara yndisleg og á gríðarlega stóran þátt í minni velgengni eftir að við byrjuðum að vera saman. Ég er henni ævinlega þakklátur fyrir það.“
Meira:
Bróðir Elmars tók sitt eigið líf: ,Ég myndi ekki óska þess upp á minn helsta óvin að ganga í gegnum lífið, líðandi svona“
Elmar eyddi um efni fram og lifði á núðlum: ,,Það var oftar en einu sinni að maður átti ekkert til“