Aleksander Ceferin forseti UEFA ræðir það nú í sambandi sínu að breyta leikdögum í Meistaradeild Evrópu.
Meistaradeildin hefur alltaf verið spiluð í miðri viku en Ceferin horfir á breytingar í þeim efnum.
Ástæðan er sú að áhorfið á fótbolta í miðri viku er ekki jafn mikið og um helgar. Þannig er úrslitaleikur keppninnar spilaður um helgi.
Ceferin vill að leikir í Meistaradeldinni verði spilað á laugardögum og sunnudögum en óvíst er hvort það nái í gegn.
Stærstu deildir Evrópu eru með stóra sjónvarpssamninga um að spilað sé um helgar og því gæti þetta tekið nokkur ár að ganga í gegn.
Meistaradeildin er sterkasta keppni í heimi en þar koma saman öll bestu lið Evrópu.
