Það fer fram stórleikur í ensku úrvalsdeildinni um helgina er lið Liverpool og Manchester United eigast við.
Það er mikill rígur á milli þessara liða en gengið á tímabilinu hefur þó verið mjög mismunandi.
Liverpool er eina liðið sem er enn taplaust í deildinni en liðið situr á toppnum fyrir umferð helgarinnar.
United hefur verið í mun meira basli og þarf á stigum að halda til að halda sér í baráttunni um Meistaradeildarsæti.
Góðu fréttirnar fyrir United eru þær að framherjar Liverpool hafa ekki verið upp á sitt besta í þessari viðureign í deildinni.
Mohamed Salah, Sadio Mane og Roberto Firmino hafa enn ekki fundið netmöskvana gegn Rauðu Djöflunum.
Firmino hefur spilað þessa viðureign sex sinnum í deildinni en þeir Mane og Firmino tvisvar.