Everton 2-2 Watford
1-0 Richarlison(15′)
1-1 Seamus Coleman(sjálfsmark, 63′)
1-2 Abdoulaye Doucoure(65′)
2-2 Lucas Digne(95′)
Gylfi Þór Sigurðsson lék allan leikinn með Everton í kvöld er liðið mætti Watford í ensku úrvalsdeildinni.
Það var boðið upp á mjög fjörugan leik á Goodison Park en Everton komst yfir í fyrri hálfleik með marki Richarlison.
Watford jafnaði svo snemma í síðari hálfleik er Seamus Coleman varð fyrir því óláni að skora sjálfsmark.
Stuttu síðar var staðan orðin 2-1 er Abdoulaye Doucoure skallaði knöttinn í netið fyrir gestina sem komust yfir.
Gylfi fékk svo kjörið tækifæri til að jafna metin fyrir Everton strax eftir mark Watford. Everton fékk þá vítaspyrnu og steig Gylfi á punktinn.
Íslenski landsliðsmaðurinn er yfirleitt öruggur á punktinum en Ben Foster varði frá honum í þetta skiptið.
Það var útlit fyrir að Watford myndi taka öll þrjú stigin, alveg þar til á 95. mínútu leiksins.
Lucas Digne skoraði þá frábært jöfnunarmark fyrir Everton beint úr aukaspyrnu og lokastaðan 2-2 í mögnuðum leik.
