Það er útlit fyrir það að Ousmane Dembele, leikmaður Barcelona, muni ekki endast mikið lengur hjá félaginu.
Dembele hefur komist nokkrum sinnum í vesen á Spáni og aðallega fyrir að mæta of seint á æfingar.
Dembele hefur þá ekki viljað læra spænska tungumálið og kýs að eyða mestum tíma í að spila tölvuleiki.
Samkvæmt fréttum á Spáni í dag mætti Dembele tveimur klukutímum of seint á æfingu í dag.
Dembele skoraði fyrir Börsunga í gær er liðið vann 4-0 sigur á Espanyol í borgarslag í spænsku úrvalsdeildinni.
Hann hefur fagnað því eitthvað fram á nótt og var ekki mættur á réttum tíma á æfingu í morgun.
Líkurnar á að Frakkinn fari annað á næsta ári hækka því mikið en óvíst er hvort hann fái að taka þátt gegn Tottenham í Meistaradeildinni á þriðjudag.
Dembele var tjáð að hann væri á síðasta séns fyrir nokkrum vikum er hann var lítillega meiddur og lét engan vita að hann myndi ekki mæta á æfingu.