Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.
Rætt verður um fótbolta við áhugaverða gesti í vetur, farið verður um víðan völl.
Næsti gestur þáttarins er Þorvaldur Örlygsson þjálfari U19 ára landsliðs karla.
Þorvaldur hefur átt áhugaverðan feril, fyrst sem leikmaður og þjálfari.
Þorvaldur lék með varnarmanninum Stuart Pearce hjá Nottingham Forest en hann var hjá félaginu frá 1985 til 1997.
Pearce þótti vera hálf klikkaður á velli og var kallaður ‘Psycho’ af liðsfélögum sínum sem og andstæðingum.
Þorvaldur segir að Pearce hafi verið flottur náungi sem vissi sín takmörk á fótboltavellinum.
,,Hann var ekki rólegur maður inni á velli og heldur ekki í klefa eða á æfingasvæðinu,“ sagði Þorvaldur.
,,Hann var fínn drengur fyrir utan eins og flestir eru í hópum í fótbolta. Það eru mismunandi karakterar sem eru mismunandi innan sem utan vallar.“
,,Hann var góður drengur og þeir eru margir enn fínir félagar ennþá. Hann var okkar leiðtogi út á við hvað varðar stuðningsmenn.“
,,Hann var harður af sér og þurfti heldur betur að hafa fyrir því að komast í gegnum utandeildina, og hjá Coventry og hann vissi sín takmörk.“
,,Það sem gerði hann að góðum fótboltamanni er að hann vissi sín takmörk. Hann reyndi ekkert annað en að vera það sem hann kunni að gera. Hann spilaði mjög vel út frá því.“