Matteo Guendouzi, leikmaður Arsenal, hefur gert grín að Marouane Fellaini, leikmanni Manchester United.
Fellaini braut nokkuð undarlega á Guendouzi í gær en hann togaði í hár miðjumannsins sem var með boltann.
Belganum var ekki refsað fyrir brotið en hann þekkir það vel að vera með mikið og þykkt hár.
Fellaini ákvað þó að klippa hárið nýlega og segir Guendouzi að hann sé einfaldlega öfundsjúkur út í sína fallegu lokka.
,,Ég held að hann sé nokkuð öfundsjúkur,“ sagði Guendouzi í samtali við RMC Sports.
,,Kannski getur hann ekki sætt sig við það að hann ákvað að breyta til og er nú með stutt hár.“