Styrktarleikur á milli HK og Breiðabliks í meistaraflokki karla í fótbolta fer fram fimmtudaginn 29. Nóvember. Leikurinn hefst klukkan 20.00 og verður spilaður í Kórnum í Kópavogi.
Bjarki hefur undanfarin sex ár háð erfiða baráttu við krabbamein og nú segja læknar að ekkert sé við ráðið og hann eigi stutt eftir. Kópavogsfélögin HK og Breiðablik vilja taka höndum saman með því að tileinka Bjarka Má og fjölskyldu leikinn og vonast til þess að Kópavogsbúar og aðrir gestir komi í Kórinn og styrki Bjarka og fjölskyldu hans á þessum erfiðu tímum.
Bjarki fékk þau skilaboð á dögunum að hann ætti aðeins nokra mánuði eftir en hann og Ástrós, kærasta hans eignuðust sitt fyrsta barn á dögunum.
„Það er það eina sem ég hugsa um núna. Að vakna á hverjum degi og lifa einn dag í einu,“ sagði Bjarki í Ísland í dag í vikunni.
„Þótt ég færi á morgun væri ég mjög sáttur með mitt líf. Þótt ég sé bara 31 finnst mér ég hafa fengið meira en margir aðrir,“ segir Bjarki.
Frjáls framlög og þeir sem ekki komast á leikinn geta lagt sitt að mörkum með því að leggja inná styrktar reikning fjölskyldunnar
130-26-20898, kt. 120487-2729.