Helgi Valur Daníelsson, fyrrum landsliðsmaður í knattspyrnu segir að hann hafi fengið skít frá fólki fyrir það að eitt að sleppa landsleik.

Ástæðan var þó góð og gild enda átti Helgi Valur von á sínu öðru barni og vildi vera viðstaddur fæðinguna.

Umræðuna setti Helgi Valur af stað á Twitter og er þar að tala um ný útkomna bók sem Aron Einar Gunnarsson, fyrirliði Íslands er að gefa út.

Aron Einar var ekki á svæðinu þegar hans fyrsta barn kom í heiminn, hann var að spila gegn Kazakkstan með íslenska landsliðinu árið 2015.

Aron Einar kveðst sjá eftir þeirri ákvörðun í dag en hann var viðtaddur þegar annað barn hans kom í heiminn á dögunum.

,,„En ákvörðunin var fáránleg. Heimskuleg. Lífið er meira en fótbolti – en ég vissi það bara ekki þá. Ekki fyrr en einmitt þarna. Þegar ég fékk drenginn í hendurnar áttaði ég mig á því hvað fótbolti er mikið prump miðað við lífið sjálft,“ segir Aron í bókinni en Fótbolti.net birti part úr henni í gær.

Helgi Valur svaraði þessu á Twitter. ,,Svo innilega sammála mínu manni Aroni Einar. Ég fékk skít á twitter frá fólki þegar ég ákvað að vera heima, og mæta ekki í landsleik við Portúgal, þegar við áttum von á okkar öðru barni. Ég virði hinsvegar ákvörðun fyrirliðans 100%,“ sagði Helgi Valur.

Svo innilega sammála mínu manni @ronnimall. Ég fékk skít á twitter frá fólki þegar ég ákvað að vera heima, og mæta ekki í landsleik við Portúgal, þegar við áttum von á okkar öðru barni. Ég virði hinsvegar ákvörðun fyrirliðans 100%.https://t.co/UfvZZ3un3L

— Helgi V. Daníelsson (@HelgiDanielsson) November 20, 2018