Sir Alex Ferguson, fyrrum stjóri Manchester United, var bálreiður út í framherjann Ruud van Nistelrooy á sínum tíma.

United tapaði óvænt 3-1 gegn City árið 2002 og eftir leik ákvað Van Nistelrooy að skiptast á treyjum við leikmann þeirra bláu.

Gary Neville var leikmaður United á þessum tíma og man vel eftir viðbrögðum Ferguson sem var ekki sáttur.

,,Ég man alltaf eftir þessu. Eftir leikinn þá skiptust Van Nistelrooy og leikmaður City á treyjum. Leikmaður City hafði komið upp að honum,“ sagði Neville.

,,Hann sagði: ‘Þú gefur ekki þessar treyjur. Þetta eru mínar treyjur, þetta eru treyjur félagsins. Þetta eru ekki þínar treyjur. Þú klæðist þeim tímabundið. Þú átt engan rétt á að gefa þeir.’

,,Hann bannaði okkur að skipta á treyjum í deildarleikjum. Hann hótaði því að leyfa stuðningsmönnum að koma í klefann og ræða við hann.“