Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Hlaðvarpsþátturinn, 90 mínútur hefur hafið göngu sína en um er að ræða þátt sem Hörður Snævar Jónsson, ritstjóri 433.is stýrir.

Rætt verður um fótbolta við áhugaverða gesti í vetur, farið verður um víðan völl.

Næsti gestur þáttarins er þjálfari HB í Færeyjum, Heimir Guðjónsson sem var lengi þjálfari FH hér heima.

Heimir fjallaði um sinn sætasta titil sem þjálfari FH og nefnir hann Íslandsmeistaratitilinn sem vannst árið 2008.

Það var fyrsta ár Heimis sem þjálfari liðsins og viðurkennir hann það að mörg mistök hafi átt sér stað.

,,Sem þjálfari þá er það að sjálfsögðu 2008. Það var fyrsta árið mitt og við vorum átta stigum á eftir Keflavík,“ sagði Heimir.

,,Það voru þrír leikir eftir hjá FH og tveir hjá Keflavík. Að ná að vinna mótið var stórkostlegt og líka í ljósi þess á fyrsta ári og ég gerði fullt af mistökum. Ég vona að ég sé aðeins skárri í dag.“

,,Það var frábært að ná að klára þetta líka í ljósi þess að Keflavík spilaði við FH, 3-2 sigur og ég sá nú þegar Atli Viðar var að gera grín af Hólmari þegar Tryggvi var að djöflast í þeim!“

,,FH þurfti að spila í miðri viku líka, FH spilaði sunnudag, miðvikudag og laugardag og við endum á Fylki úti.“

,,Á meðan Keflavík spilaði sunnudag og svo laugardag. Það sýndi líka hvað það er mikilvægt eins og í gegnum árin með FH undir minni stjórn að vera í góðu standi.“

,,Það eykur líkurnar á því að vinna. Ég veit ekki hvernig önnur lið æfa en FH liðið undir minni stjórn æfði alltaf mjög vel var í góðu formi. Þú sérð það bara í fótboltanum í dag, hver er breytingin á fótboltanum síðustu 5-10 árin? Það er bara fitness level og leikmenn geta hlaupið meira og pressað lengur.“

Meira:
Heimir ræðir einn umdeildasta leik Íslandssögunnar
Heimir ræðir umdeildan brottrekstur – Ekki fæddur í gær
Er þetta stærsti galli Heimis Guðjónssonar?