Leicester City vann sigur í ensku úrvalsdeildinni um helgina er liðið heimsótti Cardiff í 11. umferð vetrarins.

Aðeins eitt mark var skorað í Wales en það gerði Demarai Gray fyrir gestina í síðari hálfleik.

Mikil sorg ríkir hjá Leicester þessa dagana en eigandi liðsins, Vichai Srivaddhanaprabha, féll frá um síðustu helgi.

Srivaddhanaprabha var gríðarlega vinsæll hjá stuðningsmönnum og leikmönnum og þykir hafa verið mjög góður maður.

Srivaddhanaprabha eignaðist meiri hlut í Leicester fyrir átta árum og sá sína menn vinna úrvalsdeildina óvænt árið 2016.

Vichai var í guðatölu hjá Leicester eins og sjá má fyrir utan heimavöll félagsins þar sem allt er þakið í blómum og öðru slíku til minningar um Vichai.

Það má sjá hér að neðan.