Leigubílasögurnar eru daglegur liður hér á 433.is. Í þessum lið er farið yfir helsta slúðrið og sögusagnirnar úr fótboltanum, aðallega úr bresku pressunni.
Félagaskiptaglugginn hefur lokað en það er samt alltaf fullt af sögum enda hætta erlend blöð aldrei að grafa upp sögurnar sem fljúga.
Hér má sjá pakka dagsins.
Manchester City mun hafa betur gegn Tottenham í baráttu um Frenkie de Jong, leikmann Ajax. (Star)
Antonio Conte, fyrrum stjóri Chelsea og Max Allegri, stjóri Juventus eru líklegastir til að taka við af Jose Mourinho hjá Manchester United. (Express)
Juventus hefur áhuga á að fá Paul Pogba aftur til félagsins og gæti reynt við hann í janúar. (Tuttosport)
United hefur skipað Pogba að hætta að tala um vandamál sín við Mourinho og þann möguleika að fara í janúar. (Mirror)
Napoli er ekki tilbúið að hlusta á tilboð fyrir neðan 90 milljónir punda fyrir Lorenzo Insigne sem er orðaður við Liverpool. (Gazzetta dello Sport)
Raul Sanllehi, yfirmaður knattspyrnumála hjá Arsenal, útilokar það að félagið muni leyfa leikmönnum að spila fyrir félagið með eitt ár eftir af samningi sínum í framtíðinni. (Telegraph)
