Leonardo Bonucci, leikmaður Juventus, hefur verið á óskalista bæði Manchester City og Manchester United.
Bonucci skrifaði undir hjá Juventus í sumar en hann stoppaði í eitt ár hjá AC Milan eftir langa dvöl hjá einmitt Juventus.
Hann átti möguleika á að semja við United í sumar en ákvað að hafna því boði.
,,Það voru möguleikar í stöðunni með bæði Manchester City og Manchester United,“ sagði Bonucci.
,,Ég fékk boð frá City árið 2016 og ég ræddi við félagið. Ég talaði svo við Juventus og við ákváðum að það væri gott fyrir mig að vera áfram.“
,,Á þessu ári, þegar mér var sagt að það væri möguleiki að snúa aftur heim til Juventus þá hlustaði ég ekki á önnur tilboð. Ég ákvað að koma aftur.“
Bonucci var svo að lokum spurður hvort United hafði viljað fá hann og svaraði hann því játandi.
