Það var að venju lífleg umræða í Dr. Football þegar Hjörvar Hafliðason fékk Kristján Óla Sigurðsson og Mikael Nikulásson í spjall.

Rætt var um það að Viðar Örn Kjartansson sem hætti óvænt með landsliðinu á laugardag.

Viðar hefur oftar en ekki verið varamaður og fengið fá tækifæri til að sanna sig. Sérfræðingarnir í þættinum skilja ákvörðun hans vel.

,,Ég skil þetta, hann fær aldrei tækifæri. Hann var ekki í HM eða EM hópnum, núna í síðasta leik þegar við þurftum mark á móti Sviss, við notum tvær skiptingar, þá er hann ekki settur inn. Hver eru skilaboðin?,“ sagði Kristján Óli.

,,Hann hefur verið nánast alltaf í hóp frá því að Lagerback og Heimir tóku við, fyrir utan þessa átta leiki á stórmóti. Þar fékk hann ekki að vera með, það er ekki nóg með það að hann hafi ekki fengið tækifæri gegn Sviss, þá kom hann heldur ekki inn gegn Frökkum. Kolbeinn kom inn í hálftíma sem er ekki í hóp hjá Nantes. Ferilinn að styttast, nálgast þrítugt. Hver nennir að fljúga frá Rússlandi í landsleiki, þegar þú veist að þú kemur ekki inn á? Ég skil hann mjög vel, ég hefði hætt fyrr,“ sagði Mikael í þættinum.

,,Það eru fullt af mönnum ósammála, hann er ekkert fyrsti gæinn sem hættir. Hann gæti komið aftur.“

Þáttur dagsins er hér að neðan.