Wayne Rooney framherji DC United elskar lífið í Bandaríkjunum en hann nýtur sín í botn innan sem utan vallar.
Rooney átti magnaðan feril á Englandi en ákvað að færa sig yfir í MLS deildina í sumar.
Rooney bauðst að fá algjöra stjörnumeðferð hjá DC United en hann hafnaði henni, hann vildi sömu meðferð og aðrir leikmenn.
Rooney bauðst að fljúga á fyrsta farrými í stað þess að vera aftar í vélinni með liðsfélögum sínum, hann mátti vera einn á hótelherbergi frekar en með liðsfélaga eins og aðrir.
,,Ef þú ætlar að vera hluti af liði, þá þarftu að gera það og gera öllu sömu hluti og þeir,“ sagði Rooney.
,,Ég vil ekki neina sérstaka meðferð af því að ég átti feril í Englandi, ég vil fá sömu meðferð og aðrir leikmenn. Ég er hluti af liði, þetta er ekki flókið. Þú verður að mynda samband við leikmennina.“
,,Ég veit að margir leikmenn ahfa komið hingað, stórir leikmenn og þeir hafa ekki reynt að búa til sambönd við leikmennina og hvað liðið er að gera.“
Rooney saknar þess að spila FIFA við vini sína. ,,Það er erfitt að spila FIFA við vini mína þessa stundina. Við vorum duglegir að spila þegar börnin mín voru sofnuð á kvöldin, en núna þegar klukkan er 21:00 heima á Englandi þá er hún bara 16:00 hjá mér og ég er að sækja börnin úr skóla.“
,,Það er allt öðruvísi að vera með börnin hérna, hér sæki ég þau í skóla og við getum farið í bíó, að versla eða á veitingastað.“
,,Heima þá var maður alltaf að spá í því hver væri að fylgjast með henni, hver væri að mynda mann. Hér er þetta rólegra.“