Paul Scholes fyrrum miðjumaður Manchester United telur að meira segja Lionel Messi yrði í vandræðum hjá félaginu eins og staðan er í dag.

Scholes segir að nýir leikmenn sem komi til United lendi flestir í vandræðum.

,,Það er eins og hver einasti leikmaður sem kemur inn, lendi í vandræðum,“ sagði Scholes.

,,Mér líður eins og Lionel Messi myndi vera í veseni í þessu liði, eins og staðan er í dag.“

,,Ég hata að segja þetta, ég horfi á þennan hóp og mér finnst ekki vanta hæfileika þarna.“

,,Það vantar örlítið, það vantar mann sem er að tengja saman miðju og sókn og það vantar miðjumann sem stjórnar.“