Zlatan Ibrahimovic, fyrrum leikmaður Manchester United, hefur trú á því að Jose Mourinho geti unnið ensku deildina með félaginu.

Það hefur gengið erfiðlega hjá United á þessu tímabili og er Mourinho undir mikilli pressu þessa stundina eftir slæmt gengi.

Zlatan er mikill aðdáandi Mourinho og hefur unnið tvisvar með honum á ferlinum. Hann hefur fulla trú á að Portúgalinn sé með það sem til þarf.

,,Ég tel að hann sé með gæðin til að vinna ensku úrvalsdeildina. Hann er rétti þjálfarinn fyrir þetta félag,“ sagði Zlatan.

,,Allir stjórar eru samt bara jafn góðir og liðið svo það er ekki eins og hann geti framkvæmt kraftaverk ef liðið er ekki nógu gott.“

,,Mér finnst þetta lið gott, það er að bæta sig. Þetta er þriðja árið hans og leikmennirnir vita betur hvernig hann vill spila svo ég trúi því að hann geti náð því.“