Conor Coady, leikmaður Wolves, segir að hann hafi verið í sjokki þegar hann heyrði hvað goðsögnin Alan Shearer hafði að segja um sig.

Coady er fyrirliði Wolves og hefur staðið sig vel á tímabilinu en hann er fyrrum ungstirni Liverpool.

Shearer ræddi Coady á dögunum og sagði að hann ætti skilið að fá tækifæri í enska landsliðinu.

Coady segir að þau ummæli hafi komið sér verulega á óvart og er sjálfur lítið að pæla í landsliðinu.

,,Ég datt næstum úr sófanum þegar ég heyrði þetta. Þetta er ekki eitthvað sem ég hugsa um,“ sagði Coady.

,,Ef þetta gerist einhvern tímann á ferlinum yrði það frábært en ég einbeiti mér að því að spila vel fyrir Wolves.“