Barcelona er óvænt sagt hafa áhuga á fá bakvörðinn Alberto Moreno frá Liverpool í janúarglugganum.

Moreno fær lítið að spila hjá Liverpool þessa dagana og hefur aðeins komið við sögu í einum leik.

Andrew Robertson hefur staðið sig vel í vinstri bakverði Liverpool og hefur eignað sér byrjunarliðssæti.

Samkvæmt spænskum miðlum hefur Barcelona áhuga á Moreno og á hann að fylla skarð Lucas Digne sem fór í sumar.

Börsungar vilja fá leikmann til að veita Jordi Alba samkeppni en hann hefur undanfarin ár átt fast sæti í liðinu.

Moreno er spænskur og þekkir deildina vel en hann kom til Liverpool frá Sevilla á sínum tíma.