Luke Shaw, bakvörður Manchester United, hefur dregið sig úr enska landsliðshópnum fyrir komandi verkefni.
Þetta var staðfest í kvöld en Shaw meiddist um helgina er United vann 3-2 sigur á Newcastle í ensku úrvalsdeildinni.
England spilar við Króatíu og Spán síðar í þessum mánuði og mun Shaw missa af báðum leikjunum.
Þetta er mikið áfall fyrir Shaw sem hefur þótt vera einn besti leikmaður United á tímabilinu.
Ben Chilwell, bakvörður Leicester City, hefur verið kallaður í hópinn og tekur pláss Shaw.
