Arsenal og Dortmund hafa náð samkomulagi um Pierre-Emerick Aubameyang, framherja Dortmund en fá þessu greina bæði þýskir og enskir fjölmiðlar.
Kaupverðið er talið vera í kringum 55,4 milljónir punda en frá þessu greinir Telegraph.
Aubameyang verður því dýrasti leikmaður í sögu Arsenal en félagskiptin verða að öllum líkindum tilkynnt í dag.
Leikmaðurinn hefur nú þegar samið um kaup og kjör við Arsenal og því áttu félögin einungis eftir að ná saman sín á milli.
Aubameyang er ætlað að fylla skarðið sem Alexis Sanchez skilur eftir sig en hann fór til Manchester United á dögunum.
