Mauricio Pochettino, stjóri Tottenham segir að Song Heung-Min sé ekki að fá það hrós sem hann á skilið.
Harry Kane, framherji liðsins hefur verið afar duglegur að skora fyrir félagið í undanförum leikjum og hefur þar af leiðandi stolið fyrirsögnunum eftir leiki liðsins.
Stjórinn er hins vegar afar ánægður með Son sem hefur átt þátt í fjórum mörkum liðsins, og lagt upp önnur þrjú síðan í byrjun desember.
„Son er okkur gríðarlega mikilvægur. Hann skorar alltaf reglulega fyrir okkur og hefur sýnt mikinn stöðugleika á þessari leiktíð. Hann er mjög góður leikmaður,“ sagði stjórinn.
„Hann er ekki að fá fyrirsagnirnar þar sem að Harry hefur verið að fá þær en við vitum hvað hann gerir fyrir okkur. Hann er frábær náungi og mikill atvinnumaður.“
„Það er eins þegar að þú spilar með Messi eða Ronaldo, þá eru það þeir sem að fá fyrirsagnirnar en Son á svo sannarlega skilið að fá þær líka,“ sagði hann að lokum.
