Jamie Carragher, fyrrum leikmaður Liverpool og núverandi sparspekingur á Sky Sports er afar hrifinn af Roberto Firmino, sóknarmanni Liverpool.

Firmino var magnaður í 4-3 sigri Liverpool á Manchester City á dögunum og skoraði annað mark Liverpool á 59. mínútu.

Sóknarmaðurinn hefur verið frábær á þessari leiktíð og hefur skorað 16 mörk og lagt upp önnur 8 í 29 leikjum fyrir Liverpool.

„Við erum að tala um einn vanmetnasta leikmann ensku úrvalsdeilarinnar, ef ekki þann vanmetnasta í Roberto Firmino,“ sagði Carragher.

„Stjórinn metur hann mikið og það sést en fólk talar ekki um hann sem einn besta framherjann í deildinni því hann er ekki framherji eins og Harry Kane eða Romelu Lukaku.“

„Ég tel að hann sé fyrsti maðurinn á skýrslu hjá Klopp. Liverpool er með Salah og Mane já en það er Firmino sem stýrir sókninni. Hvernig hann heldur boltanum, hvernig hann vinnur án boltans.“

„Hann er einn besti sóknarmaður deidlarinnar en samt sem áður fær hann aldrei það hrós sem hann á skilið,“ sagði Carragher að lokum.