Eden Hazard, sóknarmaður Chelsea hefur samþykkt að ganga til liðs við Real Madrid en það er RMC Sport sem greinir frá þessu.
Leikmaðurinn hefur ekki viljað skrifa undir nýjan samning við Chelsea og er sterklega orðaður við Real Madrid þessa dagana.
Enskir fjölmiðlar greindu frá því á dögunum að ástæðan fyrir því að Hazard vildi ekki skrifa undir við Chelsea væri sú að hann vildi komast til Real Madrid.
Spænska félagið hefur lengi haft augastað á Hazard en verðmiðinn á honum er talinn vera í kringum 100 milljónir evra.
Hazard kom til Chelsea frá Lille í Frakklandi árið 2012 og hefur verið einn besti leikmaður úrvalsdeildarinnar, undanfarin ár.
