Philippe Coutinho gekk til liðs við Barcelona á dögunum fyrir 142 milljónir punda.

Hann kemur til félagsins frá Liverpool og er þriðji dýrasti knattspyrnumaður heims, á eftir þeim Neymar og Kylian Mbappe.

Roberto Firmino, framherji Liverpool er strax byrjaður að sakna Coutinho en þeir eru báðir frá Brasilíu og eru miklir vinir, innan sem utan vallar.

„Liverpool er ekki eins án þín kæri bróðir,“ sagði Firmino á Instagram í dag.

„Ég óska þér alls hins besta, að þú njótir lífsins á nýjum stað og að allir þínir draumar rætist.“

„Guð mun alltaf varðveita þig og fjölskyldu þína. Það var sannur heiður að spila með töframanni eins og þér,“ sagði Firmino að lokum.