Valur er Íslandsmeistari í Pepsi-deild karla annað árið í röð en liðið tryggði sér titilinn í lokaumferðinni í dag.

Valur var í engum vandræðum með botnlið Keflavíkur á Origo-vellinum og vann að lokum sannfærandi 4-1 sigur.

Valur endar tímabilið í efsta sætinu með 46 stig en þar á eftir koma Breiðablik með 44 stig og Stjarnan með 40 stig.

KR er síðasta liðið sem tryggir sér Evrópusæti en liðið mætti Víkingi Reykjavík í dag á Víkingsvelli.

KR hafði að lokum betur 3-2 í leiknum og tryggir sér fjórða sæti deildarinnar. Liðið er með jafn mörg stig og FH sem er með verri markatölu.

FH vann inn leik 1-0 gegn Stjörnunni en það reyndist ekki nóg. FH hafnar í fimmta sæti deildarinnar og er það versti árangur liðsins í fjölmörg ár.

Breiðablik vann öruggan 4-0 sigur á KA en það er ekki nóg til að tryggja titilinn eftir sigur Vals á Keflavík.

Gunnar Heiðar Þorvaldsson hefur nú lagt skóna á hilluna en hann skoraði þrennu í sínum síðasta leik fyrir ÍBV í 5-2 sigri á Grindavík.

Úrslitin voru þá ótrúleg á Fylkisvelli þar sem heimamenn fengu Fjölni í heimsókn. Fjölnir var fallið fyrir leikinn.

Fylkir gerði sér lítið fyrir og skoraði sjö mörk í 7-0 sigri og endar tímabilið á magnaðan hátt.

Lið ársins í deildini að mati 433.is er hér að neðan.

Lið ársins (4-4-2)

Gunnleifur Gunnleifsson (Breiðablik)

Jonathan Hendrickx (Breiðablik)
Eiður Aron Sigurbjörnsson (Valur)
Guðmundur Kristjánsson (FH)
Þórarinn Ingi Valdimarsson (Stjarnan)

Ásgeir Sigurgeirsson (KA)
Haukur Páll Sigurðsson (Valur)
Pálmi Rafn Pálmason (KR)
Hilmar Árni Halldórsson (Stjarnan)

Patrick Pedersen (Valur)
Thomas Mikkelsen (Breiðablik)

Varamenn: Haraldur Björnsson (Stjarnan),Damir Muminovic (Breiðablik), Birkir Már Sævarsson (Valur), Daníel Laxdal (Stjarnan), Gísli Eyjólfsson (Breiðablik), Kristinn Freyr Sigurðsson (Valur) Steven Lennon (FH)