Mario Balotelli, leikmaður Nice í Frakklandi, hefur verið í umræðunni í sumar eftir að hafa snúið aftur til æfinga.
Balotelli mætti of þungur til baka eftir sumarfrí og hefur ekki náð að spila mikið á tímabilinu.
Dante, liðsfélagi Baltoelli hjá Nice, hefur gagnrýnt samherja sinn eftir 1-0 tap gegn Montpellier í gær.
,,Það er undir honum komið að bæta sig og leiða sóknina, hann verður að taka einhverja ábyrgð,“ sagði Dante.
,,Hann er ekki í frábæru líkamlegu standi, við vitum það en það er hans verkefni að leggja sig fram og æfa og laga það.“
,,Á einhverjum tímapunkti þá þarf hann einfaldlega að taka stjórnina.“
